पिरॉडिक टेबलवर आधारित कृती शिक्षण साहित्याबद्दल मिळाले घवघवीत यश
पिंपळगाव हरेश्वर: (नरेंद्र देशमुख)
येथील ग्राम विकास विद्यालय (केंद्र) चे विज्ञान शिक्षक उल्हास श्रीराम पाटील यांनी शैक्षणिक साहित्य निर्मिती स्पर्धेमध्ये ‘पिरॉडिक टेबल’ (आवर्त सारणी) वर आधारित तयार केलेल्या कृती शिक्षण साहित्याचे उत्कृष्ट सादरीकरण करून प्रथम क्रमांकाचे बक्षीस मिळवले आहे. त्यांच्या या घवघवीत यशाबद्दल सर्वत्र त्यांचे कौतुक होत आहे.
बक्षीस वितरण सोहळा
स्पर्धेतील उत्कृष्ट सादरीकरणाबद्दल श्री. उल्हास पाटील यांना केंद्राचे अण्णासाहेब ग.शि.अ. विजय पवार, पिंपळगाव केंद्राचे केंद्र प्रमुख सखाराम महाजन, शापोआ अधीक्षक गायकवाड, व केंद्राचे विशेष शिक्षक चौधरी यांच्या हस्ते प्रमाणपत्र देऊन गौरविण्यात आले.
अभिनंदनाचा वर्षाव
श्री. पाटील यांच्या या उल्लेखनीय यशाबद्दल ग्राम विकास मंडळाचे अध्यक्ष व चिटणीस, सर्व संचालक मंडळ, तसेच विद्यालयाचे मुख्याध्यापक, उपमुख्याध्यापक, पर्यवेक्षक आणि सर्व शिक्षक बंधू-भगिनींच्या वतीने त्यांचे मनःपूर्वक आभार मानण्यात आले व अभिनंदन करण्यात आले.
पुढील वाटचालीस शुभेच्छा
ठाणे येथे होणाऱ्या विभागीय विज्ञान स्पर्धेसाठी श्री. उल्हास पाटील यांची निवड झाली आहे. विद्यालयाच्या वतीने त्यांना पुढील वाटचालीस भरभरून शुभेच्छा देण्यात आल्या आहेत. त्यांच्या या यशाने ग्राम विकास विद्यालयाच्या शिरपेचात आणखी एक मानाचा तुरा खोवला गेला आहे.
